தூவானம்

ஒவ்வொரு அரசு அலுவலகத்திலும் அது வீஏஓ அலுவலகமாகட்டும் பிரதமர் அலுவலகமாகட்டும் “இவரை பிடி காரியம் நடக்கும்” என ஒருவரை சொல்வார்கள், அப்படிப்பட்டவர்களின் வாழ்க்கையை சொல்லும் புத்தகம் இது. இவர்கள் எங்கும் தனியாக இல்லை, நம்முடனே கலந்து இருப்பார்கள், இவர்களது அகராதியில் சம்பளம், இலாபம் என்றெல்லாம் இருக்காது, இந்த வேலை முடித்து கொடுத்தால் இவ்வளவு வருமானம் அவ்வளவுதான், புரிகிறதா? வேலை செய்ய மாட்டார்கள், வேலையை முடித்து தருவார்கள்.

நிலத்திற்கு பட்டா வேண்டுமே?

இவ்வளவு செலவாகும்,

அடுத்த வருடம் பத்ம விருது வேண்டுமே?

இவ்வளவு செலவாகும்.

அந்த பணம் யாருக்கெல்லாம் போகும்?

அது சொல்வதற்கில்லை,

அதில் உனக்கு எவ்வளவு கமிஷன்?

அது உனக்கு தேவையில்லாதது,

இவ்வளவு பணத்தை வைத்துக் கொண்டு என்ன செய்வாய்?

ரோலக்ஸ் வாட்ச் புத்தகத்தை படித்து தெரிந்து கொள்

முதலில் வாங்கி வைத்துள்ள புத்தகங்களை படித்து முடிக்காமல் புது புத்தகங்கள் வாங்குவதில்லை என்று முடிவெடுத்து 2 வருடம் பக்கம் ஆகிறது. இன்னும் இருக்கும் புத்தகங்களை முடிக்க முடியவில்லை, ஆனாலும் வேறு ஏதேனும் வகையில் பரிசாகவே எழுத்தில் ஈடுபடும் நண்பர்களின் அன்பளிப்பாகவோ புத்தகங்கள் சேர்ந்துக் கொண்டேதான் போகின்றன. அடுத்து புத்தகங்கள் வாங்கும் போது சரவணன் சந்திரனின் அனைத்து புத்தகங்களையும் வாங்கிவிடுவது என்ற விருப்பத்தில் இருந்தேன். அதற்கு முன்பாகவே ஒரு சிறுகதைப் போட்டியின் பரிசாக ரோலக்ஸ் வாட்ச் புத்தகம் என் வசம் வந்து சேர்ந்தது.

படிக்க ஆரம்பித்ததுதான் தெரியும் எப்படி 158 பக்கங்கள் முடிந்ததென்றே தெரியவில்லை, கடைசியாக வெட்டாட்டம் நாவல் இவ்வளவு வேகமாக வாசித்தது. நிழல் உலக மனிதர்களை பற்றிய கதைதான் என்றாலும் இது முழுக்க மனிதனின் மனம் பற்றியது. அவனது ஈகோவைப் பற்றியது. தொடர்ந்து எழுத்தாளரின் எழுத்துக்களை முகநூலில் வாசித்தாலும் அதற்கும் புனைவிற்கும் ஏகப்பட்ட வித்தியாசம், ஏகப்பட்ட விறுவிறுப்பு.

சின்னதாக ஒரு கேள்வி, நீங்கள் புதிதாக ஒரு கார் வாங்குகிறீர்கள் அல்லது வீடு, யாருக்கெல்லாம் முதலில் சொல்வீர்கள்? உறவினர்களிடம், நண்பர்களிடம். எதற்காக உங்களது மகிழ்ச்சியை பகிர்ந்து கொள்வதற்காக, சரி இருக்கட்டும், ஒருவர் இருப்பார் உங்கள் நட்பு வட்டத்திலோ அல்லது உறவு வட்டத்திலோ. அவரை நீங்கள் எதிர்க்க முடியாது, அவரை விட்டு நீங்கள் விலகவும் இயலாது. அப்படி ஒருவரிடம் தான் உங்கள் வளர்ச்சியை ஒவ்வொரு முறையும் முதலில் காட்ட முனைவீர்கள் என்கிறேன். இல்லை அப்படி யாரிடமும் நான் போய் செய்வதில்லை என்கிறீர்களா? சரி இருக்கட்டும், உங்களிடம் ஒருவன் ஒவ்வொரு முறையும் நான் இதை சாதித்து விட்டேன் அடுத்து இதை செய்ய போகிறேன் என சொல்லிக் கொண்டே இருப்பானே கவனித்ததுண்டா?

கலிகாலத்தில் ஒவ்வொரு நல்லவனுக்குள்ளும் தீமை கலந்திருக்கும், ஒவ்வொரு கெட்டவனுக்குள்ளும் நன்மை கலந்திருக்கும் என்பார்கள். அதே போல இங்கு ஒவ்வொரு நண்பனுக்குள்ளும் ஒரு எதிரி இருப்பார், ஒவ்வொரு எதிரிக்குள்ளும் ஒரு நண்பன் இருப்பான். அதனால் தான் பிடிக்கிறதோ பிடிக்கலையோ சிலரை விலக்காமல் உடன் வைத்துக் கொள்வது, சிலரை எதற்கும் தள்ளி தொலைவில் வைத்துக் கொள்வது. அப்படிப்பட்ட இருவர் பற்றிய கதைதான் இது

“அண்ணா இந்த இங்கிலிஸ் படத்துல யார் ஹீரோன்னே தெரியலைன்னா, எல்லாரும் ஒரே மாதிரி இருக்கானுங்க”

“நல்லா பாரு, அதுல அதிகம் பேசாதவன் தான் ஹீரோவா இருப்பான்”

நான் மிக மிக இரசித்த வசனம், எப்படியாவது தன் நண்பனை தன் குருவை தன் சகோதரனை முந்தி விட வேண்டும், அவனது பாதுகாப்பு வளையத்தை விட்டு வெளியேறி சுதந்திரமாக இருக்க வேண்டும் என மனதிலும் வெளியிலும் போராடும் நாயகனால் சந்திரனை இறுதி வரை வெல்ல முடியவில்லை. உண்மையை சொல்ல வேண்டுமென்றால் இதில் யார் நாயகன் என்ற முடிவுக்கே வர முடியாது.

எந்த மேடையில் என்று நினைவில்லை, ஆனால் ஒரு இடத்தில் சாரு தனது எழுத்துலக வாரிசாக சரவணன் சந்திரனை ஏன் குறிப்பிட்டார் என்பதை 50 பக்கங்கள் தாண்டுவதற்குள் புரிந்துக் கொண்டேன்.

இராயல் என்பதன் வார்த்தையை சொல்லி புரிய வைக்க முடியாது, அது ஒரு வாழ்க்கைமுறை, வாழ்ந்தால் தான் புரியும். பணம் சம்பாதிப்பது மிக சிரமமான ஒன்று என நினைப்பவர்களால் அந்த வாழ்க்கையை நெருங்கக் கூட முடியாது. அதில் சிறிதேனும் அனுபவம் உள்ளவர்களுக்கு கட்டாயம் இந்த நூல் பிடிக்கும்

எனக்கு மிக மிக பிடித்திருந்தது. சில இடங்களில் என்னை பிரதிபலிக்கும் பாத்திரங்களும் வந்ததால் மிக நெருக்கமாக உணர்ந்தேன்.

புத்தகத்தின் பெயர்: #சிவகாமி_பர்வம் (The Rise of Sivagami)
எழுத்தாளர்: ஆனந்த் நீலகண்டன்

இந்த நேரத்தில் #பாகுபலி படம் பார்க்காதவர்கள் யாரும் இருக்க மாட்டார்கள். வெளி உலகில் எப்படியோ இணையத்தில் அனைவரும் பார்த்திருப்போம். முதல் பாகம் வெளி வந்த உடனேயே இந்த கேள்வி மனதினுள் வந்தது. எத்தனை பேர் கவனித்தீர்கள் என்று தெரியவில்லை.

தேவசேனாவை போல அழகும் அறிவும் வீரமும் கொண்ட சிவகாமி தேவி ஒரு ஊனமுற்ற கெட்டெண்ணம் கொண்ட பிங்கல தேவனை ஏன் மணமுடித்திருப்பாள்?

யார் இந்த சிவகாமி என்ற கேள்வி எழும். மூலக்கதை மகாபாரதம் என்றாலும் அதில் பெண்களுக்கு இவ்வளவு துணிச்சலும் அதிகாரமும் தராத நிலையில் நாமாகத்தான் யோசித்துக் கொள்ள வேண்டி இருந்த நிலையில் இந்த புத்தகம் வந்தது. Continue reading “சிவகாமி பர்வம் (The Rise of Sivagami)” →

யோகிராம் சுரத்குமார், இந்த பெயரை கேள்விப் பட்டதுண்டா? இல்லை என்றால் நீங்கள் பாலகுமாரனை வாசிக்கவில்லை என்று பொருள். கதை சொல்லியாக இல்லாமல் வெறுமனே வாசகர்களுடன் உரையாடும் வகையில் அவர் எழுதும் அனைத்து புத்தகங்களும் அவரது குருவான யோகிராமை பற்றி பேசாமல் இராது. இதில் என்ன சிறப்பு என கேட்கிறீர்களா?

ஆரம்ப காலத்தில் பாலகுமாரன் இரஜினிகாந்தை விட அதிகம் சிகரெட் பிடிக்கும் பழக்கம் உடையவராக இருந்திருக்கிறார். அதிகமில்லை. தினசரி 20 பாக்கெட் தான். சினிமாவில் இருந்தவர்களுக்கு இது சாதாரணமாக தெரியும். அப்படி இருந்தவர் ஒருமுறை காஞ்சி பெரியவரை சந்திக்க போகிறார். அனைவரும் தமக்கு வேண்டியதை மனதில் நினைத்து வேண்டிக் கொள்வார்களாம். இவரும் வேண்டி இருக்கிரார், என்ன தெரியுமா? Continue reading “துறவின்னா காவியேதான் கட்டனுமா? – குறளுரை” →

மத்த நாடுகள் எவ்வளவோ முன்னேறி இருக்கலாம், ஆனால் கூடி வாழும் பழக்கம் சுத்தமா அங்கே இருக்காது. பக்கத்து அபார்ட்மெண்ட் பற்றி இங்கே நகரத்தில்  இருப்போர்களே கண்டுக் கொள்வதில்லை, அங்கே எப்படி இருக்கும் என யோசித்துக் கொள்ளுங்க்கள். இன்னமும் இந்தியாவில் நகரங்கள் உட்பட, சில மேட்டுக்குடியினரைத் தவிர, அனைவரும் சக மனிதருக்கு ஒன்றென்றால் பிரதிபலன் பாராமல் ஓடி வருவார்கள். அதனால் தான் எனக்கு சுத்தமான நாடுகள் என சொல்லிக் கொள்பவர்களை காட்டிலும், இந்த அழுக்கு தேசத்தை மிகவும் பிடித்திருக்கிறது. Continue reading “செய்யும் செயல்களில் தெரியும் குணம் – குறளுரை” →

“அவனை எவ்வளவு நம்புனேன், என்னை இப்படி நம்ப வச்சு ஏமாத்திட்டானே”

பொதுவாக யாரிடமாவது ஏமாறுகையில் அனைவரும் சொல்லும் வசனம் தான். ஆனால் கொஞ்சம் யோசித்துப் பார்த்தால், ஏமாற்றப் போகும் எவனும் “என்னை நம்புங்கள், நான் ஏமாற்ற மாட்டேன்” என உத்திரவாதம் தந்திருக்க மாட்டான். பின் எதை வைத்து ஒருவரை நம்புகிறோம்.

முதலில் எந்தெந்த விசயங்க்களுக்கு ஒருவரை நம்ப வேண்டி இருக்கிறது? அப்படி எல்லாம் பட்டியல் இடுவது மிக கடினம். பேருந்தில் நம்முடன் இரவு பயணிப்பவர் மீது சந்தேகம் வந்தாலே உறங்க இயலாது. எங்கே போனை தூக்கிச் சென்று விடுவானோ என்ற பயம் இருக்கும். முதலில் ஒருவரை பார்த்த உடனே மனம் அவரை ஆராய துவங்குகிறது. நமக்கென சில கற்பிதங்கள் இருக்கும். நேரடியாக சொல்ல வேண்டுமென்றால் “நிறம்”. Continue reading “கருப்பா இருக்கிறது தப்பா? – குறளுரை” →

ஒருவரை நல்லவர், கெட்டவர் என எதை வைத்து சொல்வோம்? அவரது செயல்களை வைத்துத்தானே? உண்மையில் செயல்களை வைத்து மட்டும் தானா? உதாரணத்திற்கு காதலிப்பது தவறா? இல்லை என்பீர்கள். திருமணத்திற்கு பின் மனைவி விடுத்து வேறு பெண்ணை காதலிப்பது? ஒரே செயல், வெவ்வேறு இடங்களில் வேறுபட்ட குணத்தை சொல்கிறது அல்லவா?

காதல் மட்டுமல்ல, வாழ்வில் அனைத்து செயல்களும் ஒவ்வொரு இடத்தை பொறுத்து மாறும். ஏனெனில் ஒழுக்க விதிகள் ஒவ்வொரு இடத்திலும் மாறும். கேரளாவில் கள்ளுக்கு தடையில்லை. குடிக்கலாம், அதையே கொஞ்சம் தள்ளி வந்து கோயமுத்தூரில் குடித்தால்? அப்படி என்றால் ஒரு அரசாங்கம் பார்த்து சொல்வதை கேட்டு நடப்பது தான் ஒழுக்கமா? அவர்கள் பார்த்து சரி என்றால் அனைத்தும் சரி, தவறென்றால் அனைத்தும் தவறு. Continue reading “இடம் பார்த்து செய் – குறளுரை” →

ஒநாயும் ஆட்டுக்குட்டியும் படம் பார்த்திருப்பவர்கள் எத்தனை பேர் இதை கவனித்து இருப்பீர்கள் என தெரியவில்லை. மிஷ்கினுக்கு மருத்துவ கல்லூரி மாணவர் சர்ஜரி செய்ய முயல்வார். அதற்கு உதவியாக அவனது ஆசிரியர் போனிலேயே என்னென்னெ செய்ய வேண்டும் என சொல்லுவார். அவர் முதலில் கேட்பதே இப்படித்தான் இருக்கும்.

“டிரக்ஸ் ஏதாவது வச்சு இருக்கியா?”

“இல்லை சார்”

“டேய் மெடிக்கல் காலேஜ் ஸ்டூடன்ட், அதுவும் ஃபைனல் இயர் படிக்கறவன்கிட்ட டிரக்ஸ் இல்லைன்னா எவனாவது நம்புவானா?” என அதட்டிய பின்புதான்

“கீட்ட்டாமைன் இருக்கு சார், மெண்டல் ஸ்ட்ரஸ் அதான்” என்பார்.

முதலில் தெளிவாக ஒரு விசயம் தெரிந்து கொள்ளுங்கள். மருத்துவக் கல்லூரியில் படிப்பவர்களில் பாதிக்கு மேல் போதை பொருள் பழக்கத்திற்கு ஆளாகி நாளாகி விட்டது. குடிப்பழக்கம் பற்றி சொல்லவே வேண்டாம். இதுதான் உண்மை. இல்லை என மறுப்பவர்களுக்கும் தமிழ் நாட்டில் டெங்கு பாதிப்பு பெரிதாக இல்லை என சொல்லும் அதிமுக அமைச்சர்களுக்கும் பெரிய வித்தியாசமில்லை. Continue reading “ARJUN REDDY (2017) – எனக்கு பிடிச்சுருக்கு” →

“சோதனைகளை கடந்தால் தான் சாதனை” அதனால் எப்போதும் வாழ்வில் பிரச்சனைகளை கண்டு பயந்து ஓடாமல், எதிர்த்து போராடி வென்றிட வேண்டும். மேடையில் பலர் இப்படி பேசி கேட்டு இருப்போம். இதில் ஒரு பெரிய குழப்பம் இருக்கிறது. சொல்பவர்கள் அனைவரும் நம் பிரச்சனைகளை எப்படி கையாளுவது என்றுதான் சொல்லித் தருகிறார்களே ஒழிய, யாரும் மற்றவர்களின் பிரச்சனைகளை காண நேரிடுகையில் என்ன செய்ய வேண்டும் என்று சொல்வதில்லை. Continue reading “நான் யாருக்கு என்ன பாவம் செஞ்சேன்? – குறளுரை” →